| Menü |
|---|
|
|
| Anmeldung |
|---|
Bilder vergangener Tage  |
|
|
Derbysieg zum Saisonauftakt!!!Die Senioren gewannen bei der SG Kellmünz/Dettingen mit 2:1. Torschützen Charly Rösler, Franz Salzgeber. Die Heimmannschaft war uns in der Anfangsphase drückend überlegen und setzte uns mächtig unter Druck. Unser Spiel war geprägt von Fehlpässen und mangelnder Laufbereitschaft. Mitte der ersten Halbzeit fanden wir dann so langsam ins Spiel und kamen zu ersten Torchancen. Einen Schuß von Thomas Beckham konnte der Heimtorwart gerade noch abwehren, gegen den anschließenden Heber von Charly Rösler war er dann aber "chancenlos ;-)". Die Gastgeber drängten nun vehement auf den Ausgleich, waren mit ihrem Latein aber am Strafraum am Ende und nur durch Standards gefährlich. So traf Lechner mit einem Freistoß nur den Außenpfosten. So gings mit einer knappen 1:0 Führung in die Pause. Die zweite Halbzeit konnten wir dann ausgeglichen gestalten und hatten einige Hochkaräter durch Jochen Anders und Thomas Becker. Der Ausgleich fiel dann durch einen Blackout unseres Goalie Sandro. Er hatte vergessen, daß der Torwart auch die Hände nehmen darf. Die erneute Führung erzielte dann Franz Salzgeber. Thomas Becker setzte sich "elegant" gegen zwei Gegenspieler durch und passte zu Franz, der nur noch einschieben musste. Danach hatten wir noch einige Kontermöglichkeiten, die jedoch leichtfertig vergeben wurden. Fazit: Ein verdienter Sieg gegen eine lauf- und spielstarke Heimmannschaft. Es spielten: Belfiore, Haller, Zeller, Kurz, Hartensteiner, Rösler, Salzgeber, Prihoda, Becker, Anders, Mayerhofer, Zott, Gastspieler Andi.
Spielplan 2012
In Planung Hüttenwochenende Anfang Oktober – evtl. auch Anfang September.
05.01.2011 GEDICHTLICHER JAHRESRÜCKBLICK (von Hannes) - basierend auf wahren Gegebenheiten -
AH 2010 Dia ganz AH dabbad heit zum Fischerwirt nei, no weiß i s´ isch wieder a Johr vorbei, und von allerhand kuriose Gschichta hau i au desmol wieder zom berichta. Moistens gohts do om s´ lumpa und saufa, eher selta om´s kicka ond laufa, i ka leider it über jeden was schreiba, sonst miaßat ihr bis Montig bleiba. Jetzt hockat alle auf uier Fiedla na, damit i endlich afanga ka.
Dr Franz duat ja beim Michel jetzt Taxi fahra, er wird doch it scho wieder auf a nuia Harley spara, aber jetzt goht mir a Lichtle auf, bring´sch wega de Fischerwirt-toura am Schluß z` viel Kilometer nauf? Mit am Alter isch er beim Fahra aber a weng zur Ruhe komma sein Part als Antreiber hat jetzt dr glatzkopfate Kurz übernomma, dr Franz hot ja beim Oktoberfest au Arbeit gnua, dia oine naglad sich ja sinnlos da Schädel zua. Do kasch nemme über alles an Überblick hau, no ka scho amol oiner früher gau. Er fährt mit am Zug bis an da Altastadter Bahhof na, daß sich dr Kurz it amol a Taxi leista ka?! Unser Rentner wollt´s jetzt doch ruhiger aganga lassa, und it allaweil auf den Kindergarta aufpassa!
Au wenn´s bei seiner Bude grad mol über da Rohbau naus gat, er got lieber Golfa, dr Langer von Altastadt, ond mechtasch am Benzin no a weng spara, no kasch ja zukünftig beim Ebo mitfahra. Do muß ma a sündteures Rennrad kaufa, bei deim Tempo kenntasch grad so guat laufa, zom Kicka hat er blo´ß no Zeit, wenn´s 30 Grad hot ond a Brotzeit geit. Du kasch di in Zukunft a weng zamma reißa, do läß´sch di liaber öfter em B1 beim Schofkopfa b´scheißa!
Wehe ma läßt `n mit am Motorrad los, do got immer ebbes in d´ Hos, am Gardasee fliagt er schier an da Randstoi na, weil er d´ Auga it auf der Straß lau ka, aber guckasch z´ lang auf an Rock, flaggasch im Graba mitsamt deim Bock! So schlimm ka des aber gar it sei, s´ Schorle lauft in da Kraga wia in an Gully nei, auf am Kickplatz denkt er: "was hau i verbrocha?" mit sieba Schorle ka i doch no locker kocha! Du solltasch do henna immer Frühschicht hau, no dät´sch vielleicht mol bei Tag hoi gau!
Jetzt kommat mir zu unserem Vorzeigefan, in Scene-Kreisen au bekannt als Hooligan, schreit auf am Kickplatz wia a Verruckter nach 3 Bier, isch zufällig au a guater Bekannter von mir. Bald a Johr isch dr Jochen jetzt glaub verletzt, seitdem isch bei dr Nicol dr Ohrasessel dauerbesetzt, aber im Herbst war Schluß mit am romvegetiera, do hot er miaßa dia ganz bude renoviera. Do hot er a Paar Wocha nix me zom lacha, muß er doch schaffa ond nebaher no d´ Arbeit macha!
Im Sommer fährt ma noch Oberstaufa, offiziell zum Kicka, in Wahrheit zum Koma-Saufa, a warmer Sommertag, so richtig schea, für dia moiste isch er recht Duschtig gweah. Dr Kurz dabbad als erster hoi in d´ Kammer, niedergschlaga vom Sturz-Bier-Hammer, dr Fischerwirt hält´s do scho länger aus, wia immer kommt er dann morgens it raus, dia oine hand da ganza Hoiweg dei Gjammer in de Ohra, hot koiner gseit musch 10 Halbe nei bohra! In Ehninga warad mir auf am Hallaturnier, au do geit´s it grad z´ wenig Bier, sportlich isch´s mit Platz 5 ganz guat gloffa, da Siegerpreis hand mir an Ort und Stell versoffa. d´ Verlängerung war dann a Kinderspiel, unser Gsang war no scheaner wia d´ Fusballspiel! Dernoch sind mir no in a Tanzlokal, mit Stanga, ohne Damawahl!
Dr oi oder ander wird´s scho festgstellt hau, i hau´s des Johr mit am Training a weng schleifa lau, aber ma will ja it aus der Übung komma, drom hau i dohoi a paar Freistöß übernomma. und s´ isch gar it so schlecht gloffa, mindestens oiner hat ins Schwarze troffa! Des dumme an der Sach isch nur, i hau bald am Uwe sei Figur, no hau i aber neulich a Bild vom Gebe gseah, seitdem woiß i, i bin doch recht scheah!
Von einige hau i des Johr glei gar nix gheart, wia vom Buchner Manne der bloß no zu irgendwelche Marathons fährt, des isch für ihn natürlich au dr oifachere Fall, do musch bloß laufa, do gibts koin Ball! Dr ander Manne isch monatelang verletzt, hat sich d´ Ilona zu oft auf an gsetzt? Noch Ehninga fährt er vor uns drei, bis zur Siegerehrung werrad mir scho akomma sei! Au am Hebbe sei Trainingsbeteiligung isch eher fad, entweder teilt er Zeitunga aus oder tagt dr Elternbeirat, aber oimal hau i des Johr doch an ihn denkt, bei dr Eischulung hot er mir an Sekt eigschenkt!
Oins hätt i jetzt ja fast no vergessa, noch am Training derfat frei alle ebbes essa, Dr Franz richtat köstliche Sacha na, ond no langat des kaum oiner a! Dromspannt am Gebe sei Ranza au so, was übrig bleibt, des ißt er scho, aber derfir sparad er beim trinka, dia 3 Gläser läßt sich no scho dr Uwe eischenka!
Bei unsere "Auswärtige" muß me au mol bedanka, ohne Giggi und Co. dät der Spielbetrieb kranka, und dia kennad it noch am Training hoi laufa, und sich wia d´ Schorle-Briader jeda Woch da Helm zua saufa. Au der sportlicha Wert isch in der Regel id grad klei, außer bei dem großa, schwera, do fällt mir jetzt dr Nama it ei!
Wenn´s Dir auf am Oktoberfest it so guat gfällt, gosch frieher hoim und sparsch dei Geld, des hot sich scho mol oiner denkt, der hot s´ Geld noch am Taxifahrer gschenkt. Des fällt am Wolfgang im Traum it ei, er fährt liaber mit am Brugger-Taxi von dr Innastadt hoi, wia es manchmal halt so gat, wenn´s Fahrrad nomma aufrecht staht. Scho beim Mario denna duat er bloß no lalla, do kasch no scho mol über da Sattel falla, soll eh a weng a gfährlicher Abend sei, hechtat er beim Schorle-Wirt doch scho in da Blomakübel nei. Bei Dir dürft´s öfter wieder mol a Wasser sei, des trinkt sich übrigens au ganz guat ohne Wei! Oder hält er´s oifach dohoi nomma aus, wahrscheinlich isch´s scho dr Schwiegermutter ihr Haus.
So, jetzt hau i gnua von dem Stuß, drum hör i auf und mach jetzt Schluß, und weil s´ Schwätzta d´Kehle trocka hält, hoff i ihr hand mir scho a Woiza na gstellt, Am Schluß möcht i no a paar "Dank scheah" sa, ohne dia so ja Verei it überleba ka, am Wolfi, am Franz ond de Schiri gilt mei bsondrer Dank, ohne dia wär d´ AH wohl scho länger blank. I wünsch jetzt alle no an scheana Obend mitanand, ond daß ir au rechtzeitig hoimwärts gand, a paar kennat natürlich scho länger bleiba, vielleicht gibt´s no für nächst´s Johr glei was zum schreiba!
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|